Սաղմոսներ / Saghmosner

DOWNLOAD PDF VERSION

Սաղմոս 1 – Արդարներու Երանութիւնը

1 – Երանի անոր,
որ ամբարիշտ մարդոց խորհուրդին չի հետեւիր,
մեղաւորներու ապրելակերպը չ’ընդօրինակեր
եւ զԱստուած ծաղրողներուն հետ ընկերութիւն չ’ըներ.
2 – այլ՝ հաճոյք կ’առնէ Տիրոջ Օրէնքէն,
եւ անոր Օրէնքը կը սերտէ գիշեր ու ցերեկ:
3 – Անիկա կը նմանի հոսող ջուրերու կողքին տնկուած ծառին,
որ ճիշդ ժամանակին իր պտուղը կու տայ,
եւ որուն տերեւները չեն չորնար բնաւ.
անոր բոլոր գործերը յաջողութեամբ կը պսակուին:
4 – Բնաւ այսպէս չե՛ն անբարիշտները.
այլ՝ կը նմանին յարդին, որ հովը կը տարտղնէ:
5 – Ատոր համար ալ ամբարիշտները
Աստուծոյ դատաստանէն պիտի չազատին.
մեղաւորները արդարներու կարգին պիտի չդասուին.
որովհետեւ Տէրը կը ճանչնայ արդարներուն ճամբան,
մինչ ամբարիշտներու ճամբան զիրենք կորուստի պիտի տանի:

Saghmos 1 – Artarnerou Yeranootyouneh

1 – Yeranee anor,
vor ampareeshd martots khorhoorteen chee hedeveer,
meghavorneroo abrelagerbeh chentoreenager
yev zAsdvadz dzaghroghneroon hed engerootyoun chener.
2 – ayl` hajooyk garneh Deeroch Orenken,
yev anor Orenkeh ge serdeh keesher oo tsereg:
3 – Aneega ge nmanee hosogh chooreroo goghkeen dngevadz dzareen,
vor jeesht jamanageen eer bdoogheh gooda,
yev voroon derevnereh chen chornar pnav.
anor polor kordzereh hachoghootyamp ge bsagveen.
4 – Pnav aysbes chen ampareeshdnereh.
ayl` ge nmaneen harteen, vor hoveh ge dardeghneh.
5 – Ador hamar al ampareeshdnereh
Asdoodzo tadasdanen beedee chazadeen.
meghavornereh artarneroo garkeen beedee chetasveen.
vorovhedev Dereh ge janchna artarneroon jampan,
meench ampareeshdneroo jampan zeerenk goroosdee beedee danee.

Սաղմոս 23 – Տէրն Է Հովիւս

1 – Տէ՛րն է հովիւս,
ուստի ոեւէ բանի կարօտ պիտի չմնամ:
2 – Դալար արօտավայրերու մէջ կը մակաղեցնէ զիս,
հանգստարար ջուրերուն զիս կը տանի:
3 – Կը վերանորոգէ զիս եւ ուղիղ ճամբաներէ կ’առաջնորդէ,
որպէսզի իր անունը փառաւորուի:
4 – Նոյնիսկ երբոր մահաստուեր ձորերէ կ’անցնիմ,
չարիքէ մը չեմ վախնար, Տէ՛ր, քանի դուն իմ հետս ես:
Քանի ցո՛ւպդ զիս կ’առաջնորդէ եւ գաւազանդ կը պաշտպանէ,
ես ինքզինքս ապահով կը զգամ:
5 – Ինծի խնճոյքի սեղան կը պատրաստես
թշնամիներուս աչքին առջեւ.
իբրեւ պատիւ՝ անուշահոտ իւղով կ’օծես գլուխս,
եւ բաժակս մինչեւ բերան կը լեցնես:
6 – Տէ՜ր, վստահ եմ, որ բարութիւնդ եւ շնորհքդ
անպակաս պիտի ըլլան վրայէս՝
որպէսզի կեանքիս ամբողջ տեւողութեան
տաճարիդ մէջ բնակիմ:

Saghmos 23 – Dern Eh Hoveeves

1 – Dern eh hoveeves,
Oosdee voyeveh panee garod beedee chemnam.
2 – Talar arodavayreroo mech ge magaghetsneh zees,
Hankesdarar chooreroon zees ge danee.
3 – Ge veranorokeh zees yev oogheegh jampanereh garachnorteh,
Vorbeszee eer anooneh paravorvee.
4 – Nooyneesg yerpvor mahasdver tsorereh gantsneem,
Chareekeh meh chem vakhnar, Der, kanee toun eem hedes es.
Kanee tsoobt zees garachnorteh yev kavazanut ge bashdbaneh,
Yes eenkzeenkes abahov ge ezkam.
5 – Eendzee khenjooykee seghan ge badrasdes
Tshnameeneroos achkeen archev.
Eeprev badeev` anooshahod yooghov godzes klookhes,
Yev pajagus meenchev peran ge letsenes.
6 – Der, vsdah em, vor parootyounet yev shnorket
Anbagas beedee ellan vrayes`
Vorbeszee gyankees ampoghch deveghootyan
Dajareet mech pnageem.

Սաղմոս 51 – Ներումի խնդրանք

1 – Ողորմէ՛ ինծի՛, ո՜վ Աստուած, դուն՝ որ ա՜յնքան ողորմած ես.
քու անսահման գթութեամբդ իմ յանցանքս ներէ՛ ինծի:
2 – Ամբողջութեամբ մաքրէ՛ զիս իմ անօրէնութենէս,
եւ իմ մեղքէս զիս սրբէ՛:
3 – Գիտեմ, յանցանք գործեցի,
մեղքս բնաւ միտքէս չ’ելլեր:
4 – Քեզի, միայն քեզի՛ դէմ մեղանչեցի, Տէ՜ր,
գործեցի այն՝ ինչ որ դուն չարիք կը նկատես:
Ուստի արդար ես, ի՛նչ վճիռ ալ արձակես.
իրաւացի ես, ի՛նչ պատիժ ալ սահմանես:

Saghmos 51 – Neroomee Khentrank

1 – Voghormeh eendzee, ov Asdvadz, toun` vor aynkan voghormadz es.
koo ansahman ktootyampet eem hantsankes nereh eendzee.
2 – Ampoghchootyamp makreh zees eem anorenootenes,
yev eem meghkes zees srpeh.
3 – Keedem, hantsank kordzetsee,
meghkes pnav meedkes cheller.
4 – Kezee, meeyayn kezee tem meghanchetsee, Der,
kordzetsee ayn` eench vor toun chareek ge ngades.
Oosdee artar es, eench vjeer al artsages.
eeravatsee es, eench badeej al sahmanes.

Սաղմոս 86 – Աղօթք՝ Անձկութեան Մէջ

1 – Ականջդ ինծի՛ խոնարհեցուր, Տէ՜ր,
եւ պատասխա՛ն տուր ինծի,
որովհետեւ աղքատ եմ ու չքաւոր:
2 – Պահպանէ՛ զիս, որովհետեւ հաւատարիմ եմ քեզի.
փրկէ՛ զիս՝ քու ծառադ, Աստուա՛ծս ես դուն,
եւ ես քեզի՛ ապաւինեցայ:
3 – Ողորմէ՛ ինծի, Տէ՜ր,
քեզի՛ է որ կ’աղաղակեմ օրն ի բուն:
4 – Ուրախացո՛ւր զիս՝ քու ծառադ, Տէ՜ր,
որովհետեւ ես քեզի՛ կը բարձրացնեմ աղօթքս:
5 – Դուն, Տէ՜ր, բարի ես եւ ներող,
անչափօրէն հոգատար՝ բոլոր քեզի պաղատողներուն:
6 – Ականջ դիր, Տէ՜ր, իմ աղօթքիս,
նկատի՛ առ բարձրաղաղակ խնդրանքներս:

Saghmos 86 – Aghotk` Antsgootyan Mech

1 – Agancht eendzee khonarhetsoor, Der,
yev badaskhan dour eendzee,
vorovhedev aghkad em oo chkavor.
2 – Bahbaneh zees, vorovhedev havadareem em kezee.
prgeh zees` koo dzarat, Asdvadzus es toun,
yev yes kezee abaveenetsah.
3 – Voghormeh eendzee, Der,
kezee eh vor gaghaghagem orn ee poon.
4 – Oorakhatsoor zees` koo dzarat, Der,
vorovhedev yes kezee ge partsratsenem aghotkus:
5 – Toun, Der, paree es yev nerogh,
anchaporen hokadar` polor kezee baghadoghneroon.
6 – Aganch teer, Der, eem aghotkees,
ngadee ar partsraghaghag khntrankneres.

Սաղմոս 100 – Երգ Գոհաբանութեան

1 – Տիրոջ աղաղակեցէք, ամբո՜ղջ աշխարհ:
2 – Ուրախութեա՜մբ ծառայեցէք Տիրոջ,
ցնծութեան երգերով եկէք անոր ներկայութեան:
3 – Գիտցէք թէ Տէրը ի՛նքն է Աստուածը:
Ա՛ն մեզ ստեղծեց, եւ մենք անո՛րն ենք.
իր ժողովուրդն ենք, այն հօտը՝ որ ի՛նք կ’արածէ:
4 – Գոհաբանութեամբ մտէք անոր տաճարը,
օրհներգութեամբ մտէք անոր շրջափակէն ներս.
շնորհակալութիւն յայտնեցէք իրեն,
օրհնաբանեցէ՛ք իր անունը:
5 – Բարի է Տէրը, անոր սէրը յաւերժական է,
եւ բոլոր սերունդներուն կը ցուցաբերէ
իր հաւատարմութիւնը:

Saghmos 100 – Yerk Kohapanootyan

1 – Deeroch aghaghagetsek, ampoghch ashkharh.
2 – Oorakhootyamp dzarayetsek Deeroch,
tsndzootyan yerkerov yegek anor nergayootyan.
3 – Keedtsek teh Dereh eenkn eh Asdvadzeh.
An mez esdeghdzets, yev menk anorn enk.
eer joghovoortn enk, ayn hodeh` vor eenk garadzeh.
4 – Kohapanootyamp mdek anor dajareh,
orhnerkootyamp mdek anor shrchapagen ners.
shnorhagalootyoun haydnetsek eeren,
orhnapanetsek eer anooneh.
5 – Paree eh Dereh, anor sereh haverjagan eh,
yev polor seroontneroon ge tsootsapereh
eer havadarmootyouneh.