19 May ՏԻԱՐ ԺՈԶԷՖ ՓՕԼԱՏԵԱՆ 1886 ԹՈՒԱԿԱՆԻ ԱՐԾԱԹԵԱՅ ԽԱՉՈՎ ՀՆԱՏԻՊ ՄԱՇՏՈՑ ՄԸ ԿԸ ՆՈՒԻՐԷ ԿԱԹՈՂԻԿՈՍԱՐԱՆԻ «ԿԻԼԻԿԻԱ» ԹԱՆԳԱՐԱՆԻՆ
Շաբաթ, 14 Մայիս 2022-ին, Գանատայի Հայոց Թեմի Առաջնորդ Գերաշնորհ Տ. Բաբգէն Արքեպիսկոպոս Չարեան, Գէմպրիճի մէջ ընդունեց այցելութիւնը Տիար Ժոզէֆ Փոլատեանին:
Տիար Փոլատեան այցելութեան նպատակն էր՝ արծաթեայ խաչով հնատիպ «Մաշտոց» մը նուիրել Կաթողիկոսարանի «Կիլիկիա» Թանգարանին:
Նշենք, որ սոյն «Մաշտոց»ը տպուած է 1886 թուականին, Երուսաղէմի Սրբոց Յակոբեանց Պատրիարքական Աթոռի տպարանին մէջ:
Այս առթիւ, Առաջնորդ Սրբազան Հայրը գնահատեց Տիար Փոլատեանը, նշելով, որ «Կիլիկիա» թանգարանը պիտի հարստանայ պատմական նշանակութիւն ունեցող հնատիպ նոր գրքոյկով մը:
