![](https://armenianprelacy.ca/wp-content/uploads/2022/05/278706668_2650442728423521_7299889388103809521_n.jpg)
02 May ԱՐՈՒԵՍՏԱԳԷՏ ԵՂԻԱ ՊԷՔՄԵԶՃԵԱՆ 1902 ԹՈՒԱԿԱՆԻ ՊԱՏՄԱԿԱՆ ՆՇԱՆԱԿՈՒԹԵԱՄԲ ՄԱՍՆԱՏՈՒՓ ՄԸ ԿԸ ՆՈՒԻՐԷ ԿԱԹՈՂԻԿՈՍԱՐԱՆԻ «ԿԻԼԻԿԻԱ» ԹԱՆԳԱՐԱՆԻՆ
Ուրբաթ, 29 Ապրիլ 2022-ին, Գանատայի Հայոց Թեմի Առաջնորդ Գերաշնորհ Տ. Բաբգէն Արքեպիսկոպոս Չարեան, Ազգային Առաջնորդարանին մէջ ընդունեց այցելութիւնը արուեստագէտ Եղիա Պէքմեզճեանի: Տիար Պէքմեզճեան Ազգային Առաջնորդարան կ’այցելէր՝ 1902 թուականի արտադրութեան մասնատուփ մը նուիրելու Մեծի Տանն Կիլիկիոյ Կաթողիկոսութեան «Կիլիկիա» թանգարանին, ի յիշատակ իր ծնողաց՝ Գրիգոր եւ Թագուհի Պէքմեզճեաններու:
Այս առթիւ, Առաջնորդ Սրբազան Հայրը գնահատեց Տիար Պէքմեզճեանի արարքը, նշելով, որ «Կիլիկիա» թանգարանը պիտի հարստանայ պատմական նշանակութիւն ունեցող նոր իրով մը, որ պիտի յաւերժացնէ Պէքմեզճեան ընտանիքի յիշատակը:
![](https://armenianprelacy.ca/wp-content/uploads/2022/05/278706668_2650442728423521_7299889388103809521_n-225x300.jpg)
![](https://armenianprelacy.ca/wp-content/uploads/2022/05/278943742_2650442761756851_6403225082315954757_n-259x300.jpg)