26 Sep ԱՌԱՋՆՈՐԴ ՍՐԲԱԶԱՆ ՀԱՅՐԸ ԿԸ ՄԱՍՆԱԿՑԻ ՔԷՊԷՔԻ ԱՆԿԼԻՔԱՆ ԵԿԵՂԵՑՒՈՅ ԱՌԱՋՆՈՐԴ՝ ՊՐՈՒՍ ՄԱՅԸՐԶ ԵՊԻՍԿՈՊՈՍԻ ԳՆԱՀԱՏԱՆՔԻ ՄԻՋՈՑԱՌՄԱՆ
ՄԻՋ-ԵԿԵՂԵՑԱԿԱՆ ՅԱՐԱԲԵՐՈՒԹԵԱՆՑ ԾԻՐԷՆ ՆԵՐՍ
Երկուշաբթի, 23 Սեպտեմբեր 2019-ին, Գանատայի Հայոց Թեմի Առաջնորդ Գերաշնորհ Տ. Բաբգէն Արքեպիսկոպոս Չարեան, յատուկ հրաւէրով մը մասնակցեցաւ Քէպէքի Անկլիքան Եկեղեցւոյ Առաջնորդ՝ Պրուս Ճոզըֆ Մայըրզ Եպիսկոպոսի գնահատման միջոցառումին:
Հանդիսութիւնը տեղի ունեցաւ Թորոնթոյի «Թամարի» սրահին մէջ: Առաջնորդ Սրբազան Հօր կ’ընկերանար Հոգեշնորհ Տ. Վարդան Վարդապետ Թաշճեան:
Նշենք, որ Մայըրզ Եպիսկոպոս գնահատանքի արժանացաւ իր ունեցած միջ-եկեղեցական եւ միջ-կրօնական ծառայութիւններուն համար:
Առաջնորդ Սրբազան Հայրը շնորհաւորեց եւ նորանոր նուաճումներ մաղթեց Մայըրզ Եպիսկոպոսին, շեշտելով միջ-եկեղեցական եւ միջ-կրօնական յարաբերութեանց կարեւորութիւնը:
