Սիրելի շրջանաւարտներ,
համալսարանական, երկրորդական,
նախակրթարանի եւ մանկապարտէզի,
Այս օրերուն, երբ դուք տարբեր հանգրուաններ կը թեւակոխէք ձեր ուսման ընթացքին, մենք՝ իբրեւհոգեւոր Առաջնորդ, սրտի անհուն ուրախութեամբ եւ գոհունակութեամբ կը շնորհաւորենք ձեզ եւձեր ծնողներն ու հարազատները։
Վստահ եմ, որ իւրաքանչիւրդ կ’անդրադառնաք որ ձեր տարիներու աշխատանքի ու նուիրումիարդիւնքն է որ կը քաղէք այսօր։
Ձեր առջեւ կեանքի նոր էջ մը կը բացուի։ Ձեզմէ ոմանց համար ուսումնականճանապարհորդութեան մը աւարտն է եւ շուտով աշխատանքային տարբեր դաշտեր պիտի բացուինձեր դիմաց, իսկ ուրիշներ ուսումնական նոր հանգրուաններ պիտի շրջանցեն, թո՛ղ որ Աստուած ինքառաջնորդէ ձեզ։
Միշտ յիշեցէք, թէ իսկական իմաստութիւնը գիտութեամբ զարգացումը չէ միայն, այլ նաեւ ումանաւանդ Աստուծոյ իմաստութեամբ ապրիլն է։ Ինչպէս Առակաց գիրքը կըսորվեցնէ.«Իմաստութեան սկիզբը Տիրոջ երկիւղն է» (Առակաց 1.7)։
Սիրելի շրջանաւարտներ, դուք քաջութեամբ ու յանձնառութեամբ հասաք այս հանգրուանին։Շարունակեցէք ապագային քալել վստահութեամբ եւ յոյսով, որպէսզի սիրով ու խոնարհութեամբապրիք նպատակասլաց կեանքով։
Թող ձեր ջահը մշտավառ փայլի, ձեր սիրտը մաքրազարդ առաջնորդէ, եւ ձեր մասնագիտութիւնն ուձեռներեցութիւնը կառուցէ աւելի լաւ աշխարհ։
Սրտանց կը մաղթեմ, որ յաղթահարէք կեանքի բոլոր դժուարութիւնները եւ ձեր դիմած բացուողապագան լեցուն ըլլայ առաւել յաջողութիւններով։
Հոգեկան մեծ ուրախութեամբ կը շնորհաւորեմ ձեզ։ Ապագան ձեր դիմաց է։
Քալեցէք իմաստութեամբ, ծառայեցէք սիրով եւ փառք ու պատիւ բերէք ընտանիքներուն եւմանաւանդ մեծ ընտանիքին՝ Ազգիս հայոց։
Թող Աստուծոյ օրհնութիւնը միշտ ձեզի հետ ըլլայ.ամէն։
Ձեզ սիրող եւ Ձեզի համար միշտ աղօթող՝
ԲԱԲԳԷՆ ԱՐՔԵՊԻՍԿՈՊՈՍ
Առաջնորդ Գանատայի Հայոց Թեմի
