Ուրբաթ, 26 Նոյեմբեր 2021-ին, Քէպէգի Ազգային Ժողովի անդամ յարգարժան Կի Ուիյէթ այցելեց Ազգային Առաջնորդարան եւ հանդիպում մը ունեցաւ Առաջնորդ Սրբազան Հօր եւ Գանատայի ու Քէպէգի կառոյցներու ներկայացուցիչներուն հետ։

Առաջնորդ Սրբազան Հայրը գնահատեց Պրն. Ուիյէթին վաստակ՝ տարիներու ընթացքին հայ գաղութին ցուցաբերած իր զօրակցութեան համար եւ շնորհաւորեց անոր 70-ամեակը, մաղթելով առողջ տարիներ եւ քաղաքական բեղուն գործունէութիւն։